علق الفنان المصري أحمد أمين، على انتهاء 'مسلسل الصفارة'، المكون من 15 حلقة، والذي عرض خلال شهر رمضان الحالي ولاقي نجاح كبير وتفاعل من الجمهور.
وكتب أمين عبر صفحته الرسمية بموقع التواصل الاجتماعي فيسبوك: 'الصفارة علمتني إن الحل مش في الندم ولا إنك تستسلم للي وصلتله حياتك وتسكت، إنت مش هتشوف حياتك حلوة غير لما تقرر إنها حلوة، الصفارة علمتني أحب كل حاجه عندي وأخد بالي من حلاوة التفاصيل الصغيرة عشان بتفرق، علمتني إن طول ما أنا ببص على الحلو اللي في حياة أي حد تاني هيفوتني الجمال اللي موجود في حياتي أنا'.
وأضاف الممثل المصري: 'علمتني إن العمر بيعدي ولما بتيجي عليك أوقات صعبة اللي بيخليك تقدر تكمل هو حضن أو طبطبة أو ذكرى حلوة مع الناس اللي بتحبك، علمتني إن الماضي بنتعلم منه لكن مش بنغيره، وإن أعظم سفر بالزمن مش للماضي ولا للمستقبل، أعظم سفر بالزمن للحاضر اللي ما بين إيديك'.
وشارك أحمد أمين في موسم الدراما الرمضاني بمسلسل 'الصفارة' الذي جسد فيه شخصية 'شفيق'، المرشد السياحي الذي يسرق 'صفارة' أثرية ترجع للملك توت، ليعود من خلالها بالزمن 3 دقائق ليغير أي شيء.
مسلسل الصفارة
