كلنا بالطبع نتابع الأحداث التي تحدث في فلطسين بشكل عام وفي غزة بشكل خاص منذ السابع من أكتوبر الماضي ومدى الوحشية التي يتعامل بها الاحتلال ضد كافة المخلوقات فلم يترك الإنسان أو الحيوان أو النبات أو الجماد، بالرغم من ذلك أبطالنا يسطرون أروع البطولات نصرهم الله أيدهم الله حماهم الله من كل مكروه وسوء يا رب، نسطر لكم في مقالتنا قصة ترابط الفلسطنيون لكن على الأراضي المصرية، لنتعرف على مدى حبهم وترابطهم سويًا في بيتهم الثاني مصر، نروى لكم القصة نقلًا عن حساب الشاب المعتصم بالله، كافة التفاصيل في السطور التالية على موقعكم المفضل صحيفة السعودي اليوم.
قصة ترابط الفلسطينيون في مصر
نقلًا عن تغريدة المعتصم بالله التي نشرها على حسابه الشخصي على موقع التواصل الاجتماعي إكس ( تويتر سابقًا ) كالتالي:
عايز احكيلكم حاجه بشوفها كل يوم تقريبا من وقت ٧ اكتوبر
الفلسطينين في مصر بينهم وبعضهم موده وتلاحم متقلش خالص عن الفلسطينين الي في الحرب
لما طالب بيكلمني واوصله بحد ابن حلال يساعده ويلاقي المبلغ اكتر من ال هو محتاجه مش بيحتفظ بيه ، مش بيقول اخليه للشهر الجاي ، لا بيجي يسألني لو اعرف طالب غيره يشاركه المبلغ
في طالب اخد مبلغ من حد وصلته بيه وبعدها ب١٥ يوم جاتله فلوس ( ع كلامه) واصر انه يرجع الفلوس لصاحبها وقال ان ربنا فرجها معاه يعني وبعدين عرفت من صحابه مصريين في السكن ال بعتولي رقمه من البدايه انه باع موبايله وانه بيقسم فلوسه من صاحب ليهم رابع غير انه اصر يسدد فلوس الايجار ال اخدها وكان معتبرها دين بدون ما حد يقولو كدا وباصرار رهيب فعلا
في بنت طالبه برضو كانت قبل الحرب جايبه منتجات للبيت كلمتني تشارك بيها لو في بنت ساكنه قريب منها متعثره (اكل ولحوم وخلافه)
مفكرتش حتي انه طيب افرض الشهر الجاي الحرب مستمره واهلي معرفوش يبعتولي فلوس هاكل منين
ناس سيباها علي ربنا وبينهم تلاحم واحساس ببعض مُبهر ويستاهل الاشاده والله
حتي اول ما نزلت ف اول الحرب وقولت لو في طالب متعثر يكلمني اوصله بشباب الاتحاد ، جاتلي مسدج من جروب فلسطينين في مصر طلاب وقالولي نصاً احنا معانا فلوس متحوشه ، اي طالب يكلمك كلمنا الاول قبل ما تخلي حد يكلمه واحناا هنساعده
وبالفعل فضلو معايا لحد اخر نقطه في طاقتهم وربنا شاهد مقصروش لاخر لحظه ولولا كثافه الطلاب وطول مده الحرب مكانوش هيحبو ان ابن بلدهم يحس باحراج او ضيقه من انه يتواصل نع اي حد تاني رغم اننا اخوات وهم عارفين بس حرص وحفظ زياده منهم علي بعض
واخر مسدج دي لسه النهارده اعتقد هي موضحه نفسها
انا منزل التويت دي عشان تبقي تعبير وشهاده عن واقع عيشته ولو علي Scale صغير بيوضح حب الفلسطينين لبعض وحرصهم علي بعض
مش دا الشعب ال يبيع ارضه او يخون اهله باي شكل من الاشكال
وعشان اوضح اني بحبكم فعلا
واحترامي وتقديري الشخصي لكل شعب فلسطين الكريم ولكل الشعوب العربيه
ربنا يحمي بلادنا جميعاً وينصر اهلنا في سوريا والسودان وفلسطين ويرحمهم برحمته الواسعه
وانا لحد اخر الشهر دا لا هبطل اكتب يوم عنكم ولا همل ولا هبيع الموضوع واقول ملوش داعي الكلام
ولما هوقف هيبقي عشان عندي تجنيد وغصب عني مش معايا موبايلي هناك مش اكتر ، فاتمني وقتها ان اي حد بيحترم ال بيتعمل عندي هنا ع الاكونت يعمل زيه في نطاق قدرته طبعا وامنه وراحته.
شكرا
بالنهاية ندعوا لكل إخواننا في فلسطين وخارج فلسطين في أي دولة من دول العالم العربية كانت أو الغربية أن يحفظهم الله من كل مكروه وسوء وينصرهم على الأعداء يا رب العالمين.
