يبحث الكثير من الذين يرغبون في التامين علي منازلهم وحياتهم عن الاستثناءات، وأكيد خطرت على بالك اسئلة كتير لما فكرت تأمن، ودي شوية أسئلة وأجوبة يقدمها لكم السعودي اليوم هتفيدك وتريح بالك قبل ماتشتري التأمين اللي محتاجه.
ما هي الأمور اللي لازم مقدم طلب التأمين يقولها لما يكتب الوثيقة؟
1- مين أطراف عقد التأمين؟
الطرف الأول: 'المؤمن له' وده الشخص اللي بيقدم طلب التأمين، سواء شخص طبيعي أو اعتباري (شركات) اللي عاوز يحصل على وثيقة التأمين من المؤمن (شركة التأمين).
الطرف الثاني: شركة التأمين نفسها (المؤمن)، وبتكون الشركة المساهمة العامة المرخص لها بمزاولة نشاطات التأمين أو إعادة التأمين أو الاتنين.
وسيط التأمين: هو الشخص الاعتباري اللي بيقوم بالتفاوض مع أكتر من شركة تأمين
2- ايه الفرق بين وسيط التأمين ووكيل التأمين؟
وسيط التأمين: هو الشخص الاعتباري اللي بيقوم بالتفاوض مع أكتر من شركة تأمين و يجيب كذا عرض علشان يأمن لصالح شخص أو شركة مقابل عمولة.
وكيل التأمين: شركة التأمين نفسها اللي بتسوق لنفسها عن طريق موظف معين عندها وبتبيع وثائق التأمين الخاصة بيها هيا بس، أو اللي بيمثلها وبيقوم بكل الأعمال اللي بتقوم بيها عادةً لحساب الشركة أو بالنيابة عنها.
3- ايه الأمور اللي لازم مقدم طلب التأمين يقولها لما يكتب الوثيقة؟
بعد ما بيتم تحديد التغطية التأمينية وحدودها، الشركة بتطلب من المستفيد إنه يقول شوية أمور جوهرية متعلقة بموضوع التأمين زي مثلًا:
تأمين السيارات: عدد الحوادث اللي اتعرض ليها قبل كده.
التأمين الطبي: التاريخ المرضي للمستفيد.
تأمين الممتلكات: وصف دقيق لكل محتويات المبنى اللي عاوز يأمن عليه.
الأسئلة دي كلها بتكون متاحة في نموذج اسمه ( طلب التأمين) ولازم الشخص اللي عاوز يأمن يكون صريح وأمين جدًا في الرد على كل الأسئلة.
ولو الشخص ماكنش ملتزم بالإجابة بوضوح على الأسئلة دي فده ممكن يتسبب في إلغاء التغطية التأمينية أو رفض التعويض عن أي ضرر نتج بسبب عدم الإفصاح.
4- يعني ايه حدود التغطية التأمينية؟
ببساطة هو الحد الأقصى لمسؤولية المؤمن (شركة التأمين) زي ما بيتحدد في جدول الوثيقة وده قبل تطبيق أي اقتطاعات / تحمّلات، (نسبة التحمل- نسبة الاستهلاك).
5- يعني ايه نسبة التحمل؟
عبارة عن مبلغ يتحمله المؤمن له، ويتم خصمه من التعويض المُستحق له في حالة وقوع خطر مغطى ضمن حدود الوثيقة بشرط الاتفاق بين الطرفين على التحمل ده ويتكتب في جدول الوثيقة و أحيانا بعض العملاء بتختار تشتري وثيقة بتحمل علشان تقلل القسط و أحيانا شركة التأمين بتشترط الوثيقة تكون بتحمل علشان تقلل التعويض لما تكون نسبة تحمل الخطر عالية.
6- ايه هي نسبة الاستهلاك؟
نسبة محددة ومتفق عليها في وثيقة التأمين يتم خصمها من قيمة التعويض، ودا بسبب استخدام أو استهلاك المؤمن له لمحل التأمين خلال الفترة اللي سبقت وقوع الخسارة (مثل تأمين السيارات الشامل) لأن التأمين بيغطي الحوادث الفجائية الغير متوقعة مش الاستهلاك الطبيعي اليومي.
جدير بالذكر أن لازم تعرف إن التغطيات والاستثناءات بتختلف من شركة للتانية ومن منتج للتاني خلينا نقولك في البداية كده إن تأمين المنازل هو التأمين اللي بيحمي بيتك في حالة وقوع كارثة مش معمول حسابها وبيغطي الاضرار اللي بتحصل للمباني والتشطيبات والمفروشات والمنقولات.
اعرف اكتر عن تأمين المنازل من هنا، يعني إيه تأمين على البيت؟ وإيه هي أهميته؟
أيه اشهر 7 حالات مش بيغطيها تأمين المنازل؟
التأمين علي المنازل
التأمين مش بيغطي حالات الحوادث اللي تتصل بشكل مباشر أو غير مباشر بـ:
• أي ممتلكات متخصش المؤمن له، يعني اللي مش مسئول عنها قانونيًا.
• أي تلفيات قام بيها واحد من أفراد الأسرة أو اللي في خدمتهم.
• أي تلفيات حصلت للمبنى أو محتوياته وهو مأجر للغير من غير إعلام شركة التأمين.
• أي تلفيات حصلت للمبنى أو محتوياته وهو متروك فاضي لمدة أكثر من 30 يوم متصلة من غير إعلام شركة التأمين.
• التلفيات بسبب عمل إرهابي.
• التلفيات بسبب الحروب.
• الإشعاعات النووية.
ممكن التامين يغطي بعض من الاستثناءات دي بطلب و قسط أضافي حسب رغبة العميل و موافقة شركة التامين.
لازم تعرف إن التغطيات والاستثناءات بتختلف من شركة للتانية ومن منتج للتاني و بيقدر المستشار التاميني بتاعك يفصلك منتج مخصوص يناسب احتياجاتك.
من الحاجات اللي بيغطيها التأمين الفعل الضار من غير أفراد الأسرة أو الأفراد اللي في خدمتها
التأمين علي المنازل
طيب هو التأمين بيغطي ايه أصلًا؟
• الحريق والصواعق والانفجارات.
• العواصف والرياح والفيضان والزلازل
• الفعل الضار من غير أفراد الأسرة أو الأفراد اللي في خدمتها
• اندفاع المياه العذبة المفاجئ انفجار مواسير المياه العذبة
• الحوادث الشخصية للمؤمن له أو زوجة / زوجته أو هما الاتنين
• تعويض الإيجار لمنزل آخر حتى تصليح منزلك
• المسئولية المدنية قبل الغير (تصليح التلفيات اللي اتسببت فيها في منزل الغير)
• المسئولية المدنية قبل المالك (تصليح التلفيات اللي اتسببت فيها عقار المالك).
