حول مبادرة فينا الخير لدعم ذوي الهمم وأسرهم في مصر والهدف منها

الاحد 26 مارس 2023 | 04:03 مساءً

مبادرة فينا الخير

قد ترى الكثير من المبادرات التي تشجع وتساند ذوي الهمم في جمهورية مصر العربية الفترة الأخيرة وهذا حدث جميل لم يكن متواجدًا في السنين الماضية وإن دل فيدل علي مدى الترابط المجتمعي وشعور الناس ببعضها البعض وتفعيل دور التكافل الاجتماعي والمساعدات الإنسانية وأن الجميع يستحق كامل حقوقه في المجتمع، في السطور التالية حديثنا حول مبادرة من المبادرة التي نراها متميزة للغاية، تسعى بقوة لمساندة ذوي الهمم وأسرهم بشتى الطرق الممكنة، مبادرة تعمل بأقصى جهد لتوفير كل السبل المتاحة لإدخال السرور علي قلوبهم، دعونا نتعرف في السطور التالية حول مبادرة فينا الخير علي موقعكم المفضل جريدة السعودي اليوم.

مبادرة فينا الخير

متي بدأت مبادرة فينا الخير ؟

بدأت في 25 / 9 / 2022 م ومستمرة حتي اللحظة الحمد لله.

مؤسس مبادرة فينا الخير

مؤسسة مبادرة فينا الخير هي الأستاذة سهيله سامح بعمر 22 سنة بكاليوريوس تربيه ذوي الإحتياجات الخاصه جامعه 6 اكتوبر.

هدف مبادرة فينا الخير

نقلًا عن صاحبة المبادرة الأستاذة سهيله سامح فإن هدف مبادرة فينا الخير هي 'ان ذوي الإحتياجات الخاصه يكونو زينا في المجتمع لا طفل خايف من طفل ولا مش عارف يتعامل معاه ولا اسره مش فاهمه حاله ابنها او حسه انه مشكله وبتخبيه، نمنع العنصريه والتنمر وان اي ام تكون ماشيه بإبنها متحسش بأي اختلاف.

طريقة عمل مبادرة فينا الخير لدعم ذوي الهمم وأسرهم في مصر

تتجه مبادرة فينا الخير بإستراتيجية مميزة للعمل عن طريق:

- اون لاين : شغالين علي مواقع التواصل الاجتماعي زي الفيس بوك وتلجرام وواتس اب وانستجرام بمقالات عن مين هما ذوي الهمم واي هيا الاعاقات الموجوده، اي المشاكل المسببه الي ممكن نمنع بيها حدوث الاعاقه، واي المشاكل السلوكيه الي عند الاطفال عمومًا، والامهات ازاي تتعامل مع كل دا ونقلل من حدوث مشاكل واعاقات ونطلع اطفال سويه تتعامل في المجتمع.

دا غير ان بنوفر للاسر الغير مقتدره جلسات مجانًا لاطفالهم في مراكز في كل المحافظات بالتعاون مع مراكز وحضانات للاطفال، و عندنا تيم استشارات اكتر من 50 اخصائي بيتابع مع امهات مجانًا علي الواتس اب وبيحط برامج اون لاين ان الأمهات تساعد ولادها وعشان الام تشتغل في البيت مع ابنها او لو عندها اي استفسار وبنقدم ورش وكورسات مجانًا للاخصائين المتخصصين في مجال ذوي الإحتياجات الخاصه عشان يقدرو يتعاملو معاهم ويشتغلو صح.

دا غير كمان بنعمل دا عن طريق فيديوهات فويس اوفر وصور متحركه .. عشان لو في ام بتكسل تقرأ او في ناس اميه تسمع وتشوف ف تفهم دا ..

كمان بنوفر دا بلغه الاشاره عشان الاشخاص الي من الاعاقه السمعيه وكمان عشان الناس تتعلم لغه اشاره ويتعاملو بسهوله مع اي حد من الاعاقه السمعيه و قريب ان شاء الله هنوفر حاجه بلغه برايل للمكفوفين.

- اوف لاين: في انه بنشارك في جلسات الاطفال في اي مكان مجانًا او في حفلات او مؤتمرات بتدعم اي مؤسسه من مؤسسات ذوي الإحتياجات زي دار ايتام وبننزل مدارس نتكلم مع الاطفال والمدرسين ونشتغل معاهم و بنعمل حملات في الشوارع ان لو قابلت شخص من ذوي الإحتياجات تعمل معاه اي او تتعامل ازاي.