قالت الفنانة المصرية ميمي جمال أنها زوجها الفنان الراحل حسن مصطفى ،طلقها لعدم إرتدائها للشال أثناء عرض مسرحي .
وأضافت خلال حوارمع الإعلامي عمرو الليثي في برنامج 'واحد من الناس' 'حسن كان بيغير عليا بدون ما يحسسنى، و مرة فى المسرح مسرحية 'دو رى مى فاصوليا' ، كنت لابسه سواريه، وواحدة زميله ربنا يسامحها ، قالتله مش شايف ميمى بتلبس ايه فى المسر ح، فلقيته داخل عليا المسرح و بعد العرض قال لى انتى على طول بتلبسى كده لازم الفستان يتغطى بشال، و كنت مزنوقه فى العرض وملحقتش اجيب الشال وهو عرف انى ما لبستهوش وقال لى كده مش هينفع نكمل مع بعض لانى قولت حاجة وانتى ما نفذتيهاش، بعد ٣٠ سنة جواز، و ساب البيت وبقى يبات عند سمير خفاجة، وانا عملت الشال للفساتين، وكلمت سمير يقوله ميمى عملت اللى انت عاوزه واتصلحنا وحسن مكانش عنده نزوات ومكنش بيعمل حاجة غلط وأنا كنت بثق فيه'.
اقرأ ايضا:فيديو| فنان مصري يحذر من مخاطر الذكاء الاصطناعي.. وهذا رأيه في الاعتماد عليه
مسرحية مطرب العواطف
وخلال لقائها قالت ميمي جمال أوضحت إنها كانت زميلة حسن مصطفى فى فرقة سيد بدير لمسرح التليفزيون، وكانت في ذلك الوقت مخطوبة لضابط وكان يريدها أن تتوقف عن التمثيل مضيفة 'قال لى انا مستنيكى تخلصى تمثيل و بعدين نتجوز لان انا ظابط ماينفعش تبقى مراتى ممثله فحصلت لى كسره وقتها، وكنت بعمل مسرحية مطرب العواطف، وكنت بحكى ليه على اللى حصل معايا ، وكان والدى متوفى من وانا صغيره ، وكان بيحكى لى على كل حاجة وهو كان متجوز وعنده بنت'.
جوزاز ميمي جمال من حسن مصطفي
وتابعت ميمي جمال 'الاستاذ سيد بدير جه قال لى طالما بتحبوا بعض طيب ما تتجوزوا، فانا قولت ليه لا ازاى هو متجوز وعنده بنت، فقال ليه سيد بدير شوف مراتك وبنتك هتعمل معاها ايه و بعد كده نشوف، وبعد كده طلق مراته لان فى مشاكل بينهم كتير، وماما كانت رافضه الجواز لانه اكبر منى، و كان وكيل وزارة فى التربية و التعليم وكان ماسك المسرح المدرسي' ،وفي النهاية أقنعت أمي وتزوجنا.
